හිත හිතා ලියූ කවි නැත මම..!

 " කාලෙකින් දැක නැත 

ඔබ ලියූ කවියක්..? "


හදිසියෙන්මෙන් ඔබ ඇවිත් විමසයි..!


පෙම්වත..!


සමාවෙන්න..

ආයෙමත් සැරයක් 

ආමන්ත්‍රණය වැරදුනා..


හිතවත..!


ජීවතේ බොහෝ තැන් වල

ඉතුරු උන එකම එක වරද එය..


හිත හිතා ලියූ කවි නැත මම

අහම්බෙන් ලියවුනා මිස ඉදහිට..!


- දිනූ -

 07.02.21



Comments

Post a Comment

Popular posts from this blog

I miss the stars you put in my sky..!

Image
 සපත කර කර සදාකල් ලඟ ඉන්න වග, සඳ පවා අරන් ආ පෙම්වතුන් හිටියා.. ඉතුරු කර අමාවක හදිස්සියෙම නොකියාම  ඒ අයත් අතරමඟ බැස්සා.. එවන් මිනිසුන් මැද්දේ හිටිහැටියේ නතර වී ඔබ, මගෙ අමාවක කළුවරට තරු අරන් දෝතක්ම ඉස්සා.. කියන්නට උනේ නෑ නවතින්න කියා වත් දෑස් හැර බලද්දී ඔබ බොහෝ දුර  ගිහින් කියලා දැක්කා.. කල්පයක් තරම් දිග කාලයක් තිස්සෙත් මගේ කළුවර අහසේ ඔබ තැබූ තරු එළිය තිබ්බා.. ඒ උනත්.., ඔබව යලි හමුවෙන්න පැතුම් පැතු හැම වරෙම එක ගානේ තරුවක් කඩාගෙන වැටුණා.. හුරු පුරුදු අමාවක මගේ අහස පුරාවට ආයෙමත් මතු වෙලා තිබුණා..! " I miss the stars you put in my sky..! " 💫✨️ - දිනූ - 2024/07/29.
Read more

තාත්තගේ පොඩි කෙල්ල මං..!

Image
 තාත්තේ මේ නගරේ ඇවිත් කොච්චර කල් උනත් තාම සුව පහසු නැති  හැඟීමක් තියෙනවා..!  වෙලාවට පටන් ගෙන අවේලාවේ ඉවර වෙන වැඩපලේ රස්සාව.. තාත්තා හිටියනම් හූල්ලයි.. බැරි බරත් මං දැන් අදිනවා..!  බෝඩිම, යකඩ ඇඳ, රෙදි පෙරදි පුරවපු කාඩ්බෝඩ් පෙටට්ටිය... ගෙදරට තියෙන දුර  දෙගුණ තුන්ගුණ වෙලා දැනෙනවා..!  පැය තුන හතරකට විතරක්  ජනේලෙන් පේන  තිත්ත කළුවර රෑ අහස හරියටම මගෙ පාළු හිත වගේ, තරුවක් වත් නැති පාළුවට දකිනවා..!  නිදිමත තෙහෙට්ටුව  යන්න කලියෙන් ඇහැරිලා  එළියක් දකින්නත් නැතුවම ආයේ වැඩපලට දුවනවා..!  තෙල් වැඩි මිරිස් වැඩි පුත්තලම් ලුණු දැකලා නැති ගණන් අඩු බත් එකක් බඩගින්න නිවනවා.. වැඩපලේ කහට එක අඩුපාඩු මකනවා..!  හැඩට ඇඳුමක් අඳින්න නියපොතු පාට කරන්න ඉස්සර වගේ සුරඟන හීන නෑ දැන් ඔහේ පාරට බහිනවා..!  තාත්තේ, තව කොයි තරම් දේවල්ද.. මට අඬන්නට හිතෙනවා.. අඬලා අඬලත් ඉන්න බැරිනම් ගෙදර එන්නම හිතෙනවා...!  තාත්තගේ පොඩි කෙල්ල මං රැජිනක් වගෙයි හිටියෙත්.. අන්න ඒ ඉස්සර ගෙයි මුදුන් ලීය වගේ තාත්තා හිටපු  ලස්සන දවස් ඇස් මානේ මැවෙනවා..!  තාත්තේ... සමහ...
Read more